ფრაქცია "ქართული ოცნების"თავმჯდომარის მამუკა მდინარაძის განცხადებით, ქვეყანამ ნებისმიერი ნაბიჯი უნდა გადადგას, რისი შედეგიც შეიძლება იყოს ეროვნული ინტერესი-ქვეყნის დეოკუპაცია. მდინარაძის თქმით საქართველომ აღნიშნულის გათვალისწინებით, ყველა ფორმატში უნდა ისაუბროს, მათ შორის ოკუპანტი ქვეყნის საგარეო საქმეთა მინისტრთანაც.

"როგორც ვიცი, შვეიცარიულმა მხარემ შესთავაზა ქართულ მხარეს შეხვედრა და ამ შეთავაზების შედეგად შედგა. თუ ჩვენი დასავლელი ,სტრატეგიული პარტნიორები ჩაერევიან იმაში,რომ ვისაუბროთ ყველა ფორმატში ყველგან, მათ შორის ოკუპანტი ქვეყნის საგარეო საქმეთა მინისტრთან და ამის შედეგი შეიძლება იყოს დეოკუპაციის საკითხებში ნებისმიერი დეტალის გაუმჯობესება,ამაზე უკან არ უნდა დავიხიოთ,მხოლოდ იმიტომ, რომ ვიღაცა ფსევდოპატრიოტული გამოხტომებით რაღაცებს შეეცდება",-განაცხადა მდინარაძემ.

მისივე თქმით, პოპულისტურ, ფსევდოპატრიოტულ გამოხდომებს არ უნდა მიექცეს ყურადღება, მით უმეტეს, როცა ეს იმ "ძალისგან არის წამოსული ,რომელიც პრაქტიკულად თანაავტორი იყო და მისი მინიმუმ დანაშაულების და შეცდომების შედეგად მოხდა ის, რაც მოხდა თავის დროზე".

მამუკა მდინარაძის განცხადებით, აღნიშნული ძალები ფსევდოპატრიოტულ რიტორიკას ახორციელებენ,რადგან ქვეყანამ დეოკუპაციის გზაზე წარმატებას არ მიაღწიოს.