ბრედლის საერთაშორისო აეროპორტთან ახლოს, აშშ-ში, მეორე მსოფლიო ომის დროინდელი ბომბდამშენი B-17 ჩამოვარდა, რის შედეგადაც ბორტზე მყოფი 7 ადამიანი დაიღუპა, 6 კი - დაშავდა, - ამის შესახებ ინფორმაციას სააგენტო „როიტერსი“ ავრცელებს.
მათივე ინფორმაციით, ბომდამშენმა აეროპორტთან ახლოს ავარიული დაჯდომა განახორციელა და ცეცხლი გაუჩნდა.
B-17 ბრედლის საერთაშორისო აეროპორტიდან ოთხშაბათს დილით აფრინდა და აფრენიდან დაახლოებით 5 წუთში ეკიპაჟმა საჰაერო მოძრაობის მაკონტროლირებელ კოშკურას პრობლემის არსებობის შესახებ აცნობა.
უკან დაბრუნებისა და ავარიული დაჯდომის მცდელობის დროს ბომბდამშენი, სავარაუდოდ, სვეტს შეეჯახა.
ბორტზე სულ 13 ადამიანი იმყოფებოდა, სამი მათგანი - ეკიპაჟის წევრი იყო.
ინციდენტის გამო ბრედლის აეროპორტი რამდენიმე საათის განმავლობაში დახურული იყო.