დახტის პოზიციებზე ეს ადამიანი იმიტომ, რომ ისტერიულ მდგომარეობაშია,- ასე აფასებს ფრაქცია „ქართული ოცნების“ თავმჯდომარე მამუკა მდინარაძე მიხეილ სააკაშვილის განცხადებას. დეპუტატის განცხადებით, „ნაციონალურ მოძრაობას“ როცა უჭირდა, ყოველთვის მაშინ საუბრობდა რუსულ ინტერესებზე, თუმცა, დღევანდელი დღისგან განსხვავებით, მაშინ ამ ყველაფერს „გამოგონილ ლოგიკაში“ მაინც სვამდნენ.

„დღეს ამ ისტერიულ ფონზე მიხეილ სააკაშვილს რაღაც ლოგიკის გამოგონებაც უჭირს და უკვე შეუძლებელია მისი განცხადებების ცალკე კომენტირება. არანაირ ლოგიკაში აღარ ჯდება, არანაირ ლიბერალობაზე, კონსერვატიულობაზე აღარ შეიძლება ლაპარაკი. დახტის პოზიციებზე ეს ადამიანი, რადგან ისტერიულ პოზიციაში, მდგომარეობაშია. ეს რუსული თემა ახსოვს წარსულიდან, რომ თავისი დაგეგმილი ბინძური კამპანიისთვის გამოადგა. მეტი ლოგიკა მის ნალაპარაკევში აღარ არის,”- აცხადებს მამუკა მდინარაძე.

როგორც მიხეილ სააკაშვილი აცხადებს, ყველა, ვინც ქადაგებს ამ „სვეცკური“, ვითომ პროგრესული, ქართული ტრადიციული ცნობიერებისაგან მოწყვეტილი ფასეულობებით, დღეს რეალურად, უნებლიედ პუტინის საქმეს აკეთებს.