თემქაზე მოკლული 20 წლის ანა ნაცვლიშვილის მკვლელობაში მსჯავრდებული ლადო გრიგალაშვილის ადვოკატის, ნაირა ოტიაშვილის სასამართლო პროცესზე ანა ნაცვლიშვილის მამა, მამუკა ნაცვლიშვილი მივიდა. ის ნაირა ოტიაშვილსა და მასთან ერთად დაკავებული დედა-შვილის მიმართ აღკვეთის ღონისძიების შეფარდებაზე სასამართლო სხდომას დაესწრება.
პროცესი თბილისის საქალაქო სასამართლოში რამდენიმე წუთში დაიწყება.
ნაირა ოტიაშვილს ბრალი ოფიციალურად 2 ოქტომბერს წარუდგინეს. შს სამინისტროს ინფორმაციით, დედა-შვილი და მათი ადვოკატი ნაირა ოტიაშვილი თბილისში, მოსამართლის განჩინების საფუძველზე დააკავეს. როგორც შსს-ს მიერ გავრცელებულ ინფორმაციაშია ნათქვამი, მათ ბრალი ანგარებით ან სხვა პირადი მოტივით ჩადენილ ცრუ დასმენაში ედებათ.