გაერთიანებული სამეფოს საქველმოქმედო ორგანიზაციის ცნობით, სირიის მეამბოხეთა კონტროლირებად იდლიბის პროვინციის საავადმყოფოზე საარტილერიო შეტევა განხორციელდა. ინციდენტის შედეგად 7 ადამიანი დაშავდა, მათ შორის ერთ-ერთის მდგომარეობა კრიტიკულია. ინფორმაციას „ალჯაზირა“ ავრცელებს.

„გადაარჩინე ბავშვები“ ორგანიზაციის განცხადებით, საარტილერიო ჭურვები ჯანმრთელობის ცენტრის სამხრეთ ფრთას დაეცა, სადაც 60 პაციენტი, მათ შორის ბავშვები გადიოდნენ მკურნალობას.

„უდანაშაულო ადამიანებს უწევთ მომაკვდინებელი კონფლიქტის ფასის გადახდა“, - განაცხადა ორგანიზაციის წარმომადგენელმა, ამჯად იამიშმა.