აშშ ჩრდილოეთ კორეასთან მოლაპარაკებების ჩაშლას უარყოფს

„აშშ-მ კრეატიული იდეები წარადგინა და კორეის სახალხო რესპუბლიკელ კოლეგებთან კარგი მოლაპარაკებები გამართა“,- ამის შესახებ აშშ-ის სახელმწიფო დეპარტამენტის პრეს-სპიკერმა მორგან ორტაგუსმა აშშ-სა და ჩრდილოეთ კორეას შორის გუშინ გამართული მოლაპარაკებების კომენტირებისას განაცხადა.

მისივე თქმით, ჩრდილოეთ კორეის მთავარი მომლაპარაკებლის კომენტარი არ ასახავს შვედეთში გამართული 8 საათნახევრიანი მოლაპარაკებების „შინაარსა და სულისკვეთებას.“

ორტაგუსი ირწმუნება, რომ აშშ-ის დელეგაციამ წარადგინა ახალი ინიციატივები, რომლებიც მოლაპარაკებებში პროგრესის მიღწევას შეუწყობს ხელს. მან ხაზი გაუსვა მეტი ჩართულობის მნიშვნელობას იმ საკითხების გადასაჭრელად, რაც ორ მხარეს ჰყოფს.

„შეუძლებელია აშშ-მ და კორეის სახალხო რესპუბლიკამ ერთ შაბათს გადაწყვიტონ ომისა და საომარი მოქმედებების 70 წლიანი მემკვიდრეობისგან გამოწვეული პრობლემები. ეს მნიშვნელოვანი საკითხებია და ორივე ქვეყნიდან დიდ ვალდებულებებს მოითხოვს. აშშ-ს ეს ვალდებულებები გააჩნია“, - განაცხადა ორტაგუსმა.

აშშ-სა და ჩრდილოეთ კორეის დელეგაციების წარმომადგენლები ერთმანეთს სამუშაო შეხვედრის ფორმატში შვედეთში, კუნძულ ლიდინგეზე, გუშინ შეხვდნენ. ჩრდილოეთ კორეის მთავარმა მომლაპარაკებელმა კიმ მიონ გილიმ შეხვედრის შემდეგ განაცხადა, რომ მოლაპარაკებები შეწყდა, ვინაიდან აშშ-მ მათი მოლოდინები ვერ გაამართლა და „მოლაპარაკებების მაგიდაზე არაფერი დადო.“

ინფორმაციას სააგენტო "როიტერსი" ავრცელებს.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება