ზანდუკელის ქუჩაზე, საცხოვრებელი სახლის მე-4 სართულზე ცეცხლი, სავარაუდოდ, წყლის გამაცხელებელს გაუჩნდა, რამაც სახურავზე ხანძარი გამოიწვია. ამის შესახებ საგანგებო სიტუაციების მართვის თბილისის მთავარი სამმართველოს უფროსმა ოთარ კერესელიძემ ჟურნალისტებს განუცხადა.
მისივე ინფორმაციით, დამწვარია დაახლოებით 50 კვადრატული მეტრის ფართობი, ხანძარი ლოკალიზებულია და ამ დროისთვის სალიკვიდაციო სამუშაოები მიმდინარეობს.