ირანულ ტანკერზე სარეკეტო თავდასხმა წითელ ზღვაში, საუდის არაბეთის პორტიდან განხორციელდა, - ამის შესახებ ინფორმაციას ირანის სახელმწიფო ტელევიზია სახელმწიფო სანავთობო კომპანიაზე დაყრდნობით ავრცელებს.

მედიის ინფორმაციით, ტანკერის მძიმე დაზიანების შედეგად, ნედლი ნავთობი ჯეჰადის პორტიდან 60 მილის მანძილზე ჩაიღვარა. ანალიტიკოსები ორ ქვეყანას შორის ურთიერთობის კიდევ უფრო დაძაბვას პროგნოზირებენ.

ირანი, ტანკერზე თავდასხმას საუდის არაბეთიდან განხოციელებულ „ტერორისტულ დარტყმად“ აფასებს.

შეგახსენებთ,14 სექტემბერს, საუდის არაბეთის ნავთობის ქარხანაში აფეთქება მოხდა. ინციდენტში საუდის არაბეთმა თეირანი დაადანაშაულა. ბრალდებებს ირანი კატეგორიულად უარყოფს. მოგვიანებით, მომხდარზე პასუხისმგებლობა იემენში არსებულმა ირანის მოკავშირე ჰაუტის მოძრაობამ აიღო.