აშშ-ის საშინაო უსაფრთხოების მინისტრის მოვალეობის შემსრულებელი თანამდებობას ტოვებს

აშშ-ის საშინაო უსაფრთხოების მინისტრის მოვალეობის შემსრულებელი კევინ მაკალინანი თანამდებობას ტოვებს, - ამის შესახებ აშშ-ის პრეზიდენტი დონალდ ტრამპი სოციალურ ქსელ „ტვიტერში“ წერს.

„კევინ მაკალინანმა შესანიშნავი სამუშაო გასწია. ჩვენ კარგად ვიმუშავეთ სასაზღვრო დაცვის გაძლიერების კუთხით. მთავრობაში ყოფნის მრავალი წლის შემდეგ კევინმა ოჯახთან უფრო მეტი დროის გატარება და კერძო სექტორში გადასვლა გადაწყვიტა!“ - წერს დონალდ ტრამპი.

აშშ-ის პრეზიდენტი აცხადებს, რომ ის საშინაო უსაფრთხოების მინისტრის მოვალეობის ახალი შემსრულებელის წარდგენას მომავალ კვირაში გეგმავს. „ძალიან ბევრი ბრწყინვალე კანდიდატი გვყავს“, - დასძინა ტრამპმა.

კევინ მაკალინანო აშშ-ის საშინაო უსაფრთხოების მინისტრის მოვალეობის შემსრულებელად აპრილში მას შემდეგ დაინიშნა, რაც დონალდ ტრამპმა საშინაო უსაფრთხოების მინისტრის თანამდებობიდან კირსტენ ნილსენი გაათავისუფლა.

ინფორმაციას სააგენტო „როიტერსი“ ავრცელებს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში