ანანო თავხელიძე - „ქართული ღვინის ფესტივალი 2019“ წელს განსაკუთრებით მასშტაბურია - ყველას მოვუწოდებთ, დღევანდელი დღე ჩვენთან გაატარონ

ყველას მოვუწოდებთ, დღევანდელი დღე ჩვენთან, ქართული ღვინის ფესტივალზე გაატარონ, - ამის შესახებ „ქართული ღვინის ფესტივალი 2019“-ის ორგანიზატორმა, ანანო თავხელიძემ შარდენზე, ფესტივალის ფარგლებში „ინტერპრესნიუსთან“ საუბრისას განაცხადა.

როგორც ანანო თავხელიძემ აღნიშნა, „ქართული ღვინის ფესტივალი 2019“ მესამედ ტარდება და წელს ყველაზე მასშტაბური სახე მიიღო, რადგან ამ ფესტივალის გამო უკვე უცხოეთიდან ჩამოდიან სპეციალურად.

„მთელი წლის განმავლობაში გვწერენ ჩვენს ვებ-გვერდსა და ფეისბუქ-გვერდზე და აზუსტებენ, თუ როდის უნდა ჩამოვიდნენ, რომ სწორედ ამ ფესტივალს დაამთხვიონ მათი ვიზიტი. ამ ფესტივალის გამო გეგმავენ ტურებს, ამიტომ ვთვლით, რომ წელს განსაკუთრებით მასშტაბური იქნება. თითქმის ყველა დიდი კომპანია, უამრავი მცირე მარანი და ასევე ღვინოსთან დაკავშირებული სხვადასხვა კომპანიაა წარმოდგენილი. ამიტომ, ყველას მოვუწოდებთ, 12 ოქტომბერი გაატარონ ჩვენთან, სიონის ქუჩაზე", - აღნიშნა ფესტივალის ორგანიზატორმა.

ანანო თავხელიძემ ისაუბრა იმის შესახებ, თუ რამდენად მნიშვნელოვანია აღნიშნული ფესტივალი ქართული ღვინის პოპულარიზაციისთვის.

„სწორედ ეს ფესტივალია ქართული ღვინის პოპულარიზაციისთვის ძალიან მნიშვნელოვანი, რადგან სწორედ ამ ადგილზე მთელი დღის განმავლობაში თავს იყრის უამრავი უცხოელი და სწორედ ისინი არიან ასე ვთქვათ, ჩვენი ღვინის ელჩები საქართველოს საზღვრებს გარეთ. ამიტომ, ქართული ღვინის პოპულარიზაციისთვის უმნიშვნელოვანესი დღეა დღეს. ასევე, შარშანდელთან შედარებით წელს მცირე მარნების რაოდენობა გაორმაგებულია, რადგან მათი პოპულარობა ძალიან გაიზარდა წინა ფესტივალის შემდეგ“, - განაცხადა ანანო თავხელიძემ.

ფესტივალის შესახებ კომენტარი გააკეთა „მეიდან ჯგუფის“ მარკეტინგისა და გაყიდვების ხელმძღვანელმა, თეა ჩაგუნავამაც.

„წელს „მეიდან ჯგუფი" უკვე მესამედ მასპინძლობს ქართული ღვინის ფესტივალს. გელოდებით ყველას, მობრძანდით ჩვენთან და დააგემოვნეთ ქართული ღვინო", - განაცხადა ჩაგუნავამ.

შარდენზე წლის მთავარი ღვინის ფესტივალი - „ქართული ღვინის ფესტივალი 2019“ მიმდინარეობს. მათთვის, ვისაც ქართული ღვინის უკეთ გაცნობა სურს, „ქართული ღვინის ფესტივალი 2019“ -ზე დასწრება 12:00-დან 19:00 საათამდე შეუძლიათ.

ფესტივალი „პალიტრა მედიას“, მედიაპორტალი allwine.ge-სა და „მეიდან ჯგუფის” ორგანიზებით უკვე მესამედ იმართება.

ფესტივალის ფარგლებში მოეწყობა ქართული ღვინის, ყველის, ჩირის, ასევე ქართული აქსესუარების გამოფენა-გაყიდვა.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა