ვლადიმერ პუტინი - დონალდ ტრამპის განცხადებები რუსეთ-აშშ-ს ურთიერთობების ნორმალიზებაზე შეუსრულებელია

რუსეთის პრეზიდენტის, ვლადიმერ პუტინის განცხადებით, ამერიკის პრეზიდენტის დონალდ ტრამპის წინასაარჩევნო განცხადება, რუსეთსა და აშშ-ს შორის ურთიერთობების ნორმალიზების შესახებ, შეუსრულებელია, თუმცა, მისი თქმით, მოსკოვში ამას გაგებით ეკიდებიან - თავისი სიტყვების რეალიზების საშუალებას ამერიკის პრეზიდენტს შიდაპოლიტიკური დღის წესრიგი არ აძლევს.

„ჩვენ ყველამ ვიცით, რას და როგორ ამბობს შეერთებული შტატების პრეზიდენტი ბატონი ტრამპი რუსეთ-ამერიკის ურთიერთობებზე. ჩვენ ვიცით, რომ წინასაარჩევნო კამპანიის მსვლელობისას, მან ნორმალიზების შესახებ განაცხადა, მაგრამ, სამწუხაროდ, ეს ამ დრომდე არ მომხდარა. თუმცა, ჩვენ პრეტენზია არ გვაქვს, რადგან ვხედავთ, რა ხდება შტატების შიდაპოლიტიკურ ცხოვრებაში და შიდაპოლიტიკური დღის წესრიგი მოქმედ პრეზიდენტს არ აძლევს უფლებას გადადგას ნაბიჯები რუსეთ-ამერიკას შორის ურთიერთობის კარდინალურად შესაცვლელად“, - განაცხადა პუტინმა ტელეკომპანიებთან - Al Arabiya, Sky Nеws Arabia и RT Arabic-თან ინტერვიუში.

ამავე ინტერვიუში კრემლის ლიდერმა აღნიშნა, რომ დონალდ ტრამპის შეტყობინებებს „ტვიტერში“ არ კითხულობს. თუმცა, პერიოდულად მის შინაარსს აცნობენ.

„მე პირადად არ მაქვს არავითარი „ტვიტერი“ და თვალს ვერ ვადევნებ“ ,- განაცხადა პუტინმა კითხვაზე, ადევნებს თუ არა თვალს, რას აცხადებს ამერიკის პრეზიდენტი „ტვიტერში“.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)