„ყაზტრანსგაზ-თბილისის“ ყოფილი თანამშრომლის ვაზირ მამადიანის ადვოკატი სასამართლოს გამამტყუნებელ განაჩენს გაასაჩივრებს

დიდ დიღომში, ავთანდილის ქუჩაზე მომხდარი აფეთქების საქმეზე მსჯავრდებული „ყაზტრანსგაზ-თბილისის“ ყოფილი თანამშრომლის ვაზირ მამადიანის ადვოკატი სასამართლოს გამამტყუნებელ განაჩენს გაასაჩივრებს.

როგორც ჟურნალისტებთან საუბარში მსჯავრდებულის ადვოკატი ირაკლი ჩომახაშვილი აცხადებს, საქმეში არ არსებობს ექსპერტიზის დასკვნა, მუშაობდა თუ არა აპარატი, რომლითაც მამადიანს ჰაერში გაზის კონცენტრაცია უნდა შეემოწმებინა.

„ბრალდების მხარეს წარმოდგენილი არ ჰქონდა ექსპერტიზის დასკვნა, აპარატი მუშაობდა თუ არა. როცა აღნიშნულ აპარატზე ექსპერტიზა წარმოდგენილი არ არის, სასამართლომ როგორ უნდა დაადგინოს გამამატყუნებელი განაჩენი? შესაბამისად, ეს განაჩენი დაუსაბუთებელი იქნება, სარეზოლუციო ნაწილს არ ვეთანხმებით და აუცილებლად გავასაჩივრებთ. ეს მუხლი სასჯელის სახით 2-დან 5-წლამდე პატიმრობას ითვალისწინებდა და სასამართლომ 4 წელი გამოიყენა, რაც იმას ნიშნავს, რომ მოსამართლემ მაქსიმუმთან მიახლოებული სასჯელი შეუფარდა, როცა სასჯელის დამამძიმებელი გარემოებები არ არსებობდა. საქმეში ექსპერტიზის დასკვნა დევს, რომლითაც დაცვის მხარისთვის მნიშვნელოვანი ფაქტობრივი გარემოებებია დადგენილი. ჩემი დაცვის ქვეშ მყოფი ვაზირ მამადიანი დანაშაულს არ აღიარებს, ვინაიდან მან სრულყოფილად შეამოწმა ყველაფერი და პირნათლად შეასრულა დაკისრებული მოვალეობა. იმ კონკრეტულ კორპუსს აშენებიდანვე აქვს პრობლემები. შესაბამისად, საქმის ძიება უნდა გაგრძელდეს. ვაზირ მამადიანი ამ კონკრეტულ აფეთქებასთან კავშირში არ არის. მან დეტალურად შეამოწმა ყველაფერი და გამოიყენა ყველა აპარატურა, რაც "ყაზტრანსგაზის" შიდა კანონმდებლობაშია. არ ვიცი, რა უნდა დაწეროს მოსამართლემ გამამტყუნებელ განაჩენში. ამ გადაწყვეტილებას საქმის სენსიტიურობას ვუკავშირებ", - განაცხადა ჩომახაშვილმა.

შეგახსენებთ, რომ დიდ დიღომში, ავთანდილის ქუჩაზე მომხდარი აფეთქების საქმეზე დაკავებული პირები, „ყაზტრანსგაზ-თბილისის“ ყოფილი თანამშრომლები, თორნიკე ტატიშვილი და ვაზირ მამადიანი სასამართლომ დამნაშავედ სცნო. მამადიანსა და ტატიშვილს 4-4 წლით თავისუფლების აღკვეთა შეეფარდათ.

დიდ დიღომში, ავთანდილის ქუჩაზე მომხდარ აფეთქებას 4 ადამიანის, მათ შორის, ერთი არასრულწლოვნის სიცოცხლე ემსხვერპლა.

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო