საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიებით, ლუქსემბურგში საქართველოს ტურისტული მიმართულების შესახებ პრეზენტაცია ჩატარდა. ამის შესახებ „ინტერპრესნიუსს“ ტურიზმის ეროვნული ადმინისტრაციიდან აცნობეს.

მათი ინფორმაციით, ღონისძიებას 200-მდე სტუმარი დაესწრო და მისი მიზანი ბენილუქსის ქვეყნებში (ბელგია, ნიდერლანდები, ლუქსემბურგი) საქართველოს ცნობადობის ამაღლებაა.

„კინოფესტივალ „Cineast“ - ის ფარგლებში გამართული ღონისძიება ბელგიაში საქართველოს საელჩოს მხარდაჭერით მოეწყო. ღონისძიების ფარგლებში ტურიზმის ეროვნულმა ადმინისტრაციამ სტუმრებისთვის საქართველოს შესახებ ვიდეორგოლების ჩვენება გამართა. ქართული საღამოს ფარგლებში ქართული ღვინის დეგუსტაცია მოეწყო, სტუმრებს საშუალება ჰქონდათ გაცნობოდნენ საქართველოს ტურისტულ პროდუქტებს,“ - ნათქვამია ინფორმაციაში.