თედო ისაკაძე -  მუნიციპალური ტრანსპორტის რაოდენობრივი ზრდა მთავრობის ერთ-ერთი პრიორიტეტია

დედაქალაქის საკრებულოს დღევანდელ სხდომაზე სატრანსპორტო საკითხთა კომისიის თავმჯდომარემ, თედო ისაკაძემ შემუშავებული სატრანსპორტო პოლიტიკის შესახებ ისაუბრა და აღნიშნა, რომ მუნიციპალური ტრანსპორტის რაოდენობრივი ზრდა მთავრობის ერთ-ერთი პრიორიტეტია. ამის შესახებ ინფორმაციას თბილისის საკრებულო ავრცელებს.

,,ავტოპარკის განახლება, ახალი ავტობუსების რაოდენობის გაზრდა ცოცხალი პროცესია, რომელიც ზოგჯერ ხარვეზებით, შეყოვნებით მიმდინარეობს, თუმცა ეს დემოკრატიის ერთგვარი ტვირთია“ , - აღნიშნა თედო ისაკაძემ.

საკრებულოს წევრის განცხადებით, ოპოზიციისთვის მსგავსი პროცესები გაუგებარია, რადგან წინა ხელისუფლების პირობებში, ასეთ საკითხებს ბევრად უფრო მარტივად და სწრაფ რეჟიმში, უსამართლოდ წყვეტდნენ. ამჟამად კი ტენდერში დამარცხებული კომპანიები ზოგ შემთხვევაში ჩივიან, რაც მუშაობას დროში აფერხებს.

,,ავტორიტარული რეჟიმისთვის დამახასიათებელი მოკლევადიანი, სწრაფი ეფექტებია, თუმცა ჩვენ ყველას მოგვეხსენება მისი გრძელვადიანი შედეგები. შემიძლია გითხრათ, რომ ავტობუსების დაანონსებული რაოდენობა უმოკლეს ვადებში ავტოპარკს შეემატება“, - განაცხადა თედო ისაკაძემ.

საკრებულოს წევრი ტაქსების რეგულაციის შესახებ ოპოზიციის მიერ გაკეთებულ განცხადებებსაც შეეხო და აღნიშნა, რომ მთავრობამ ინიციატივაზე მუშაობისას მაქსიმალურად გაითვალისწინა ყველა მხარის ინტერესი.

,,რაც შეეხება ტაქსებს, იყო ბევრი უხარისხო ავტომობილი, რეგულაციამ მომსახურების ხარისხი გააუმჯობესა. დედაქალაქში ტაქსების რაოდენობის სიმცირე ნამდვილად არ აღინიშნება“, - განაცხადა თედო ისაკაძემ.

სატრანსპორტო საკითხთა კომისიის თავმჯდომარის თქმით, თბილისი არაერთი ცივილიზებული ქალაქის მაგალითს მისდევს და კერძო მანქანებიდან საზოგადოებრივ ტრანსპორტში გადასხდომის გადაწყვეტილების პოპულარიზაციას ცდილობს.

,,ჩვენ ვიცით, რომ სატრანსპორტო პოლიტიკის მიმართულებით მთავრობის ნაბიჯები პროგრესულია და ამიტომაც ოპოზიციის გაღიზიანება გასაგებია“, - აღნიშნა თედო ისაკაძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება