იურიდიულ საკითხთა კომიტეტის სხდომაზე დღეს უზენაესი სასამართლოს მოსამართლეობის კანდიდატ ნუგზარ სხირტლაძეს მოუსმენენ.
სხირტლაძე 1999 წლიდან უზენაესი სასამართლოს მოსამართლეა. 2009 წელს იგი განმეორებითი ვადით აირჩიეს უზენაესი სასამართლოს მოსამართლედ, მიმდინარე წელს კი მისი უფლებამოსილების ვადა იწურება.
იურიდიულ საკითხთა კომიტეტზე უზენაესი სასამართლოს მოსამართლეობის კანდიდატების მოსმენა 23 სექტემბერს დაიწყო. დღემდე კომიტეტმა 13 კანდიდატს მოუსმინა.