იორდანიაში გააუქმეს კანონი, რომელიც ქმრის მოთხოვნის გაუთვალისწინებლობის შემთხვევაში, ცოლის პატიმრობას ითვალისწინებდა. ამ ინფორმაციას „გარდიანი“ ავრცელებს. იორდანიის ხელისუფლების მიერ კანონში ცვლილების შეტანა ორგანიზაცია „ამნისთი ინთერნეიშენალის“ რეკომენდაციას მოჰყვა.
აღსანიშნავია, რომ აქამდე იორდანიელი ქალები ვალდებულები იყვნენ, ოჯახის წევრი მამაკაცის მოთხოვნა შეესრულებინათ, წინააღმდეგ შემთხვევაში კი მათ თავისუფლების აღკვეთა ემუქრებოდათ.
„ამნისთი ინთერნეიშენალი“ მიესალმება იორდანიის ხელისუფლების გადაწყვეტილებას, თუმცა ისინი ასევე აღნიშნავენ, რომ ქვეყანაში ქალთა უფლებები კვლავ ილახება და ამ კუთხით გასაკეთებელი ჯერ კიდევ ბევრია.