სახელმწიფო აუდიტის სამსახურმა მარნეულის მუნიციპალიტეტში გამოვლენილ დარღვევებთან დაკავშირებით პროკურატურას მიმართა

სახელმწიფო აუდიტის სამსახურმა მარნეულის მუნიციპალიტეტის 2017-2018 წლების ბიუჯეტებით გათვალისწინებული პროგრამების შესაბამისობა შეისწავლა და ორ საკითხთან დაკავშირებით გამოვლენილი დარღვევების გამო, პროკურატურას მიმართა. აღნიშნულის შესახებ „ინტერპრესნიუსს“ სახელმწიფო აუდიტის სამსახურში დაუდასტურეს.

კერძოდ ერთ-ერთი საკითხი, რომელიც საგამოძიებო უწყებაში მოხვდა, შპს „მარნეულის სოფწყალს“ ეხება, რომლის მიზანიც მარნეულის მუნიციპალიტეტის მცხოვრებლების სასმელი და სარწყავი წლით მომარაგებაა. როგორც ირკვევა, აღნიშნულ შპს-ს, რიგი სოფლის წყალმომარაგების მიზნით, იჯარით აღებული აქვს სატუმბი სადგური, რომლის საიჯარო ღირებულება წლების განმავლობაში მნიშვნელოვნად იზრდება. კერძოდ, ხუთი წლის განმავლობაში ქირა გაიზარდა 36.0 ათასი ლარიდან 180.0 ათას ლარამდე. აუდიტის სამსახურმა საკითხის შესწავლით გაარკვია, რომ მუნიციპალიტეტის და შპს-ს ხელმძღვანელი პირები არ/ვერ მოქმედებდნენ მუნიციპალიტეტის ინტერესების გათვალისწინებით და შედეგად დიდი ოდენობის ფინანსური ზიანი მიადგა მუნიციპალიტეტს.

მეორე საკითხი, რომელიც საგამოძიებო ორგანოში მოხვდა, საქმე სოფლებში გზების მოხრეშვით სამუშაოებს ეხება. მარნეულის მუნიციპალიტეტმა 2017-2018 წლებში ელექტრონული ტენდერების საშუალებით ხელშეკრულებები გააფორმა შპს „თი-ეს-აი კომპანისთან“, რომელთა მიხედვით მუნიციპალიტეტის 9 სოფელში უნდა შესრულებულიყო გზების მოხრეშვის სამუშაოები, საერთო ღირებულებით 128.5 ათასი ლარი. მიმწოდებლის მიერ შესრულებული მოხრეშვითი სამუშაოები მუნიციპალიტეტმა ჩაიბარა 2017 წლის დეკემბერში და 2018 წლის სექტემბერში. აუდიტის ჯგუფმა დაათვალიერა შესრულებული სამუშაოები და გამოვლინდა, რომ გზებზე მცირე რაოდენობით იყო შეტანილი ინერტული მასალები.

„აღნიშნული წარმოშობს რისკს, რომ მიმწოდებელმა სამუშაოები არ შეასრულა ხარჯთაღრიცხვით განსაზღვრული მოცულობების შესაბამისად,”-აღნიშნულია აუდიტის ანგარიშში.

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო