ევროკავშირი „ბრექსითის“ გადადებაზე კიდევ ერთხელ შეთანხმდა. როგორც ევროსაბჭოს პრეზიდენტი, დონალდ ტუსკის „ტვიტერზე“ წერს, „ბრექსითი“ 2020 წლის 31 იანვრამდე გადაიწევს.
ტუსკის ინფორმაციით, გაერთიანებულ სამეფოს, შესაძლებლობა ექნება ბლოკი დატოვოს უფრო ადრეც, თუ ამ გადაწყვეტილებას პარლამენტი მიიღებს.
შეგახსენებთ, რომ „ბრექსითის“ შესახებ დიდი ბრიტანეთსა და ევროკავშირს შორის შეთანხმების მიღწევა რამდენიმე თვეა ვერ ხერხდება. მხარეებს შორის მოლაპარაკების ყველაზე რთულ ნაწილს სასაზღვრო და სავაჭრო ურთიერთობების რეგულაციები წარმოადგენს.