მეუფე დიმიტრი ყოფილი მიტროპოლიტის პეტრეს შესაძლო განკვეთის საკითხზე - ვერ გეტყვით, მე მკითხავი არა ვარ
ვერ გეტყვით, მე მკითხავი არა ვარ,- ასე პასუხობს ხორნაბუჯისა და ჰერეთის მიტროპოლიტი დიმიტრი ჟურნალისტების კითხვას, შეიძლება თუ არა, რომ ყოფილი მიტროპოლიტი პეტრე განკვეთონ, თუ ის არ დაემორჩილება სინოდის გადაწყვეტილებას.
როგორც მეუფე დიმიტრიმ განაცხადა, იმ შემთხვევაში, თუ ყოფილი მიტროპოლიტი არ დაემორჩილება იმას, რაც განეწესა, სინოდი ამ საკითხზე იმსჯელებს.
„სინოდი იმსჯელებს და მიიღებს გადაწყვეტილებას, ამ სინოდზე არავინ ელოდა, რომ ასეთი შედეგი დადგებოდა, მაგრამ მივიღეთ. წინასწარ ვერ გეტყვით, როდის დაინიშნება სინოდის სხდომა“, - აღნიშნა მეუფე დიმიტრიმ.
