ფრენსის ფუკუიამა - საქართველომ კარგი სამუშაო ჩაატარა დემოკრატიის თვალსაზრისით, მაგრამ კიდევ ბევრია გასაკეთებელი, რადგან ისინი, ვისაც რეალურად ძალაუფლება აქვთ, შეიძლება, არ არიან ოფიციალურად, ღიად არჩეულნი

საქართველომ კარგი სამუშაო ჩაატარა დემოკრატიული განვითარების თვალსაზრისით, მაგრამ კიდევ ბევრია გასაკეთებელი, რადგან ისინი, ვისაც რეალურად ძალაუფლება აქვთ, შეიძლება, არ არიან ოფიციალურად, ღიად არჩეულნი, - ამის შესახებ სტენფორდის უნივერსიტეტის პროფესორმა, ფრენსის ფუკუიამამ განაცხადა.

მან "ღამის დებატები - ფრენსის ფუკუიამასთან" დაწყებამდე საქართველოს დემოკრატიისა და აშშ-ს მიერ მისი მხარდაჭერის შესახებ ისაუბრა.

"ვფიქრობ, რომ ამერიკის შეერთებული შტატების კონგრესში დიდი კონსენსუსია ისეთი დემოკრატიების მხარდაჭერის კუთხით, როგორიცაა საქართველო და უკრაინა, მიუხედავად იმისა, პრეზიდენტი ამას ეთანხმება თუ არა, რადგან ეს აბსოლუტურად სხვა საკითხია, მაგრამ ვფიქრობ, რესპუბლიკელებსა და დემოკრატებს შორის დიდი თანაგრძნობაა საქართველოს მხარდაჭერის მიმართ. რაც შეეხება დემოკრატიას, ვფიქრობ, საქართველომ კარგი სამუშაო ჩაატარა დემოკრატიული განვითარების თვალსაზრისით, მაგრამ კიდევ ბევრია გასაკეთებელი, რადგან ისინი, ვისაც რეალურად ძალაუფლება აქვთ, შეიძლება, არ არიან ოფიციალურად, ღიად არჩეულნი, და ვფიქრობ, ნამდვილი დემოკრატიისთვის ეს არ არის კარგი სიტუაცია, რადგან უნდა იყოს გამჭვირვალობა იმასთან დაკავშირებით, თუ ვინ არიან ნამდვილად მთავარი პოლიტიკური აქტორები სისტემაში", - განაცხადა ფუკუიამამ.

მანვე უპასუხა კითხვას, ხომ არ ნიშნავს აშშ-ს სახელმწიფო დეპარტამენტისგან და აშშ-ს ელჩობის კანდიდატისგან თავისუფალ და სამართლიან არჩევნებზე, მართლმსაჯულებაზე, მედიაპლურალიზმზე ხაზგასმა საქართველოს დემოკრატიის კრიტიკას.

"ვფიქრობ, რომ რუსეთი ერეოდა საარჩევნო კამპანიებში, ეს მოხდა ამერიკის შეერთებულ შტატებში, დიდ ბრიტანეთში და საქართველო ასეთი ჩარევის ერთ-ერთი პირველი სამიზნე იყო. ვფიქრობ, დღეს სოციალური მედიის სფერო რუსებს აძლევს ბევრ შესაძლებლობას, მედია ტექნოლოგიების თავიანთ იარაღად გამოყენების თვალსაზრისით. ამასთანავე ვფიქრობ, ბევრი რამ ამტკიცებს, რომ ეს ხდება საქართველოში", - აღნიშნა ფუკუიამამ.

ღამის დებატებს სასტუმრო "რუმსში" ატარებს სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრი (CDDRL), ფუკუიამას დემოკრატიის ფრონტისპირა ცენტრთან და ეკონომიკური პოლიტიკის კვლევის ცენტრთან ერთად. ღონისძიება მხარდაჭერილია სასტუმრო „რუმსი“-ს, თბილისის თავისუფალი უნივერსიტეტის, დიდი ბრიტანეთის საელჩოს საქართველოში და USAID დემოკრატიული მმართველობის ინიციატივის (GGI) მიერ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)