სტრასბურგში, ევროსაბჭოს ოფისში მასშტაბური ფორუმი გაიხსნა. „დემოკრატიის მსოფლიო ფორუმი 2019“ ციფრული ეპოქის პირობებში არსებულ საფრთხეებს ეძღვნება.

„წლევანდელმა ფორუმმა თავი მოუყარა ინტელექტუალებს, პოლიტიკოსებს, ექსპერტებს, აქტივისტებს და ახალგაზრდა ადამიანებს მთელი მსოფლიოდან, რათა იმსჯელონ დემოკრატიაზე ციფრული ინფორმაციის ეპოქაში, მათ შორის ტრადიციული მედიის - გაზეთის, ტელევიზიისა და რადიოს დღევანდელ მდგომარეობაზე, რომელშიც ის აღმოჩნდა მედია ვებსაიტების, ბლოგებისა და სოციალური მედიის პირობებში, იმ ახალი მედიის პირობებში, როცა ინფორმაციის გავრცელება ხდება მარტივად ყოველგვარი ფილტრაციისა და გადამოწმების გარეშე, ხშირად მიზანმიმართულად“, - განაცხადა ფორუმის გახსნისას ევროსაბჭოს წარმომადგენელმა კლაუდია ლუჩიანიმ.

აღსანიშნავია, რომ ფორუმზე საქართველოს საგუნდო კაპელამ ზვიად ბოლქვაძის დირიჟორობით "ლალე" შეასრულა, რამაც ღონისძიებაზე დამსწრეთა აპლოდისმენტები დაიმსახურა. მუსიკოსები სტრასბურგში თბილისის პოლიტიკური სწავლების სკოლის ინიციატივით იმყოფებიან.

მსოფლიო დემოკრატიის ფორუმი ევროსაბჭოში 3 დღის განმავლობაში გაგრძელდება. ის საფრანგეთის პრეზიდენტის, ემანუელ მაკრონის პატრონაჟით მიმდინარეობს.

იხილეთ ვიდეო: ევროსაბჭოში შესრულებული "ლალე" კაპელის შესრულებით და ევროპელი დეპუტატების გულუხვი აპლოდისმენტები