„ევექსის ჰოსპიტლებმა“ 50 მილიონი ლარის ობლიგაციები ქართულ ბაზარზე ლარში ისტორიულად ყველაზე დაბალი საპროცენტო პრემიუმით  განათავსა

„საქართველოს ჯანდაცვის ჯგუფის“ შვილობილმა კომპანიამ, „ევექსის ჰოსპიტლებმა“, 50 მილიონი ლარის ღირებულების, 5 წლიანი ვადის მქონე ადგილობრივი, არაუზრუნველყოფილი ობლიგაციები გამოუშვა.

ამის შესახებ „ინტერპრესნიუსს“ „სამედიცინო კორპორაცია ევექსიდან“ აცნობეს.

მათივე ინფორმაციით, ობლიგაციების განთავსების აგენტია სს „გალტ ენდ თაგარტი“.

ობლიგაციები მიბმულია საქართველოს ეროვნული ბანკის რეფინანსირების განაკვეთზე 310 საბაზისო პუნქტიანი პრემიუმით, რაც დღემდე ადგილობრივ ბაზარზე განთავსებულ ლარის ობლიგაციებს შორის ყველაზე დაბალია. ობლიგაციების გაყიდვიდან მიღებული თანხა „ევექსის ჰოსპიტლების“ შედარებით ძვირიანი სასესხო ვალდებულებების რეფინანსირებას მოხმარდება.

“მოხარული ვარ, რომ „ევექსის ჰოსპიტლებმა“ კიდევ ერთი მნიშვნელოვანი ტრანზაქცია წარმატებით დაასრულა. ეს არის ლარში დენომინირებული ობლიგაციების ყველაზე დაბალმარჟიანი ემისია ქართულ კორპორაციულ ბაზარზე, რომელიც კიდევ ერთხელ ადასტურებს ინვესტორების მაღალ ნდობას ქართული ეკონომიკის, ჩვენი ვალუტის და კომპანიის მიმართ. კომპანიის ობლიგაციების მიმართ განსაკუთრებული ინტერესი ფინანსური ინსტიტუტების მხრიდან და მათ შორის ევროპის რეკონსტრუქციის და განვითარების ბანკისგან დაფიქსირდა, რომელიც ობლიგაციების ერთ-ერთი მთავარი ინვესტორია.

ობლიგაციების გამოშვება დაგვეხმარება კიდევ უფრო შემცირდეს კომპანიის დაფინანსების საპროცენტო ხარჯი, რაც ხელს შეუწყობს ბიზნესის ჯანსაღ ზრდას. და ბოლოს, მადლობა მინდა გადავუხადო სს “გალტ ენდ თაგარტის“ გუნდს, ჩვენს დიდი ხნის პარტნიორს, მათი მხარდაჭერისთვის”, - განაცხადა საქართველოს ჯანდაცვის ჯგუფის გენერალურმა დირექტორმა, ნიკოლოზ გამყრელიძემ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო