ბათუმში მშენებლობიდან 30 წლამდე მამაკაცი გადმოვარდა და გარდაიცვალა. როგორც ბათუმის სასწრაფო სამედიცინო დახმარების ცენტრში „ინტერპრესნიუსს“ განუცხადეს, მედიკოსებს ახალგაზრდა მამაკაცი ადგილზე გარდაცვლილი დახვდა.

მამაკაცი სამშენებლო სამუშაოებს კიროვისა და ბესიკის ქუჩების კვეთაში ახორციელებდა. იგი მეათე სართულიდან გადმოვარდა.

როგორც თვითმხილველები აცხადებენ, ახალგაზრდა ამწედან ჩამოვარდა.

ბათუმის მერიაში აცხადებენ, რომ მშენებლობას კომპანია „გიგორი" ახორციელებს. უწყებაში ამბობენ, რომ შენობა მერიას ჩაბარებული არ აქვს და მუშები, ფასადის შეღებვით სამუშაოებს ახორციელებდნენ.

მომხდართან დაკავშირებით, გამოძიება „სისხლის სამართლის კოდექსის" 240-ე მუხლით მიმდინარეობს, რაც სამთო, სამშენებლო ან სხვა სამუშაოების შერულებისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.