კინოთეატრ „ამირანში“ მისულ მაყურებლებს საპატრულო პოლიცია დეტექტორებით ამოწმებს.

როგორც „ინტერპრესნიუსის“ კორესპონდენტი ადგილიდან იუწყება, ფილმის „და ჩვენ ვიცეკვეთ“ პრემიერაზე დასწრების მსურველებმა კინოთეატრში მისვლა უკვე დაიწყეს.

ადგილზე მობილიზებულია საპატრულო პოლიცია, რომელიც „ამირანში“ შესვლის მსურველებს ამოწმებს.

"მაინტერესებს ფილმი და მოვედი სანახავად. მგონია, რომ ეს ადამიანები, ვინც ფილმის ჩვენებას აპროტესტებს, პრორუსული განწყობის მქონე პირები არიან. ბილეთი ვიყიდე მაშინვე, როგორც კი დაიდო და გამიხარდა, რომ პირველი მოვედი", - განაცხადა მოქალაქე გოგი ხოჭოლავამ.

იხილეთ ვიდეო: რა ხდება კინოთეატრ "ამირანის" შენობაში - შიდა კადრები