დავით ბაქრაძე - ინფრასტრუქტურის სამინისტროსგან მოვითხოვთ პასუხს, რატომ კეთდება პროექტები ისე, რომ იხარჯება ასობით მილიონი ლარი და ადამიანებს არ უგვარდებათ პრობლემები

„ინფრასტრუქტურის სამინისტროსგან მოვითხოვთ პასუხს, რატომ კეთდება პროექტები ისე, რომ იხარჯება ასობით მილიონი ლარი და ადამიანებს არ უგვარდებათ პრობლემები“, - ამის შესახებ პარტია „ევროპული საქართველოს“ თავმჯდომარემ, დავით ბაქრაძემ წალენჯიხის რაიონში განაცხადა, სადაც მოსახლეობას შეხვდა და ადგილზე გაეცნო მათ პრობლემებს.

„ევროპული საქართველოს“ ცნობით, დავით ბაქრაძესთან სოფელ ნაკიფუში მცხოვრებმა მოსახლეობამ სასმელი წყლის პრობლემაზე ისაუბრა. მოსახლეობის ინფორმაციით, ორი წელია, სოფელს სასმელი წყალი არ აქვს, წყალმომარაგების პროექტზე 200 ათასი ლარი დაიხარჯა, გაკეთდა ჭაბურღილები, გაკეთდა წყალგაყვანილობა, თუმცა წყლის ტუმბოს სიმძლავრე არ ჰყოფნის სოფელს წყლის მომარაგებაში და 160 - ოჯახს ამ დრომდე წყალი არ მიეწოდება. დავით ბაქრაძის განცხადებით, „ევროპული საქართველო“ საპარლამენტო კონტროლზე აიყვანს აღნიშნულ პრობლემას და ინფრასტრუქტურის მინისტრს მოუწოდებს, დაინტერესდეს აღნიშნული ფაქტით.

„2 წელია, რაც სოფელში დასრულებულია წყალმომარაგების პროექტი, დაიხარჯა 200 000 ლარზე მეტი თანხა, გაკეთდა ჭაბურღილები, გაკეთდა გაყვანილობა, ყველაფერი გაკეთდა, მაგრამ ადამიანებს არა აქვთ წყალი იმ მიზეზით, რომ ტუმბოს, რომელიც იყო მოტანილი და გაკეთებული, არ ჰყოფნის სიმძლავრე იმისათვის, რომ წყალი მივიდეს ოჯახებამდე. ფაქტობრივად, წყალში გადაიყარა 200 000 ლარი და წლები გადის ისე, რომ ადამიანებს არ აქვთ ოჯახში სასმელი წყალი. „ევროპული საქართველო’’ საკითხს აუცილებლად ავიყვანთ საპარლამენტო კონტროლზე და აუცილებლად მოვითხოვთ პასუხს ინფრასტრუქტურის სამინისტროსგან, თუ რატომ კეთდება პროექტები ისე, რომ იხარჯება ასობით მილიონი ლარი და ადამიანებს არ უგვარდებათ პრობლემები, რაც მათ აქვთ’’, - განაცხადა დავით ბაქრაძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება