"თბილისი გალერიაში“, სადაც  ფილმის "და ჩვენ ვიცეკვეთ" ჩვენება უნდა გაიმართოს, ბანერი წარწერით - „ფილმის გამშვებიცა და მნახველიც იესო ქრისტეს მაგინებელია!" გაშალეს

"თბილისი გალერიასთან", სადაც კინოთეატრ "კავეაში" ფილმის "და ჩვენ ვიცეკვეთ" ჩვენება დღეს, 19:45 საათზე დაიწყება, სასულიერო პირები პარაკლისს იხდიან.

როგორც დეკანოზმა ვახტანგ დავითაშვილმა მედიის წარმომადგენლებს განუცხადა, აქცია მშვიდობიანი იქნება.

„ჩვენი პროტესტის მეორე დღეა. რაც შეეხება ამ ფილმს, რომელიც დაანონსდა და რომელიც მამათმავლობის შემცველი შინაარსის ფილმია, მორწმუნე ხალხი და სხვებიც აპროტესტებენ ამ ფილმის გაშვებას. ჩვენ დღესაც პარაკლისს ვიხდით, მშვიდობიანად, ამ უზნეობას შევეწინააღმდეგებით ლოცვით, ქადაგებით, მხილებით, მშვიდობიანად, ჩვენს პროტესტს ასე გამოვხატავთ, წყნარად, როგორც შეეფერება ეკლესიის მღვდელმსახურს და ქრისტიან ადამიანს", - განაცხადა დეკანოზმა.

მისი თქმით, სასულიერო პირები კინოთეატრში ვერ შევლენ, რადგან ბილეთები არ აქვთ და რომც ჰქონდეთ, არ შევიდოდნენ და ამის განზრახვა არც ჰქონიათ.

"თბილისი გალერიის" შესასვლელის წინ, სადაც სასულიერო პირები პარაკლისს იხდიან, ასევე გაშლილი აქვთ ბანერი წარწერით : "ფილმის გამშვებიცა და მნახველიც იესო ქრისტეს მაგინებელია!"

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)