„ევრონიუსის“ ცნობით, ფრანგმა ეპისკოპოსებმა მხარი დაუჭირეს გეგმას, რომლის მიხედვითაც, კომპენსაცია უნდა გადაუხადონ იმ ადამიანებს, რომლებიც ბავშვობაში კათოლიკე სასულიერო პირების მიერ სექსუალური ძალადობის მსხვერპლნი გახდნენ.
მედიასთან საუბრისას, ეპისკოპოსებმა განაცხადეს, რომ პირადად დაუკავშირდებიან სექსულური ძალადობის მხვერპლ ადამიანებს, რომ კომპენსაცია შესთავაზონ.
მათი განცხადების თანახმად, შეიქმნება ფონდი, რომელიც განსაზღვრავს კომპენსაციის ოდენობას.
ამ დროისთვის, ეპისკოპოსებმა არ იციან, თუ რამდენ ადამიანზეა საუბარი, თუმცა დამოუკიდებელმა კომისიამ, რომელიც საფრანგეთში ბოლო 20 წლის მანძილზე სამღვდელოების მიერ სექსუალური შევიწროების ფაქტებს სწავლობდა, ჩვენება 2800 დაზარალებულს ჩამოართვა.