ბათუმში ორი მუშა დაშავდა. ისინი ბათუმის რეფერალურ და საერთაშორისო საუნივერსიტეტო ჰოსპიტალში არიან გადაყვანილი.
როგორც ბათუმის სასწრაფო სამედიცინო დახმარების ცენტრში "ინტერპრესნიუსს" განუცხადეს, მუშებს მძიმე დაზიანებები ფეხის არეში აღენიშნებათ. არსებული ინფორმაციით, მუშები აბუსერიძის ქუჩაზე ინფრასტრუქტურულ სამუშაოებს ახორციელებდნენ და რკინის კონსტრუქცია ფეხზე დაეცათ.