ნატო კოსმოსში იარაღის განთავსებას არ აპირებს, - ამის შესახებ ნატო-ს გენერალურმა მდივანმა იენს სტოლტენბერგმა დღეს გამართულ პრესკონფერეციაზე განაცხადა.

„კოსმოსი აუცილებელია ალიანსის თავდაცვისთვის. მნიშვნელოვანია ადრეული გაფრთხილების, კომუნიკაციის და ნავიგაციის თვალსაზრისით. დედამიწის გარშემო დაახლოებით 2000 თანამგზავრია. მათ შორის ნახევარზე მეტი ნატო-ს წევრ ქვეყნებს ეკუთვნის. ასე რომ, კოსმოსის სამოქმედო სივრცედ აღიარება აშკარა გზავნილი იქნება, რომ ჩვენ ვაგრძელებთ ჩვენი თავდაცვისა და უსაფრთხოების დაცვას ყველა მიმართულებით. ნატო კოსმოსში იარაღის განთავსებას არ აპირებს. მაგრამ, ჩვენ უნდა უზრუნველვყოთ ჩვენი მისიებისა და ოპერაციების სწორი მხარდაჭერა“,-განაცხადა სტოლტენბერგმა.