20 ნოემბერს, 15:00 საათზე, საქართველოს პროკურატურასთან ოპოზიციური პარტიის ლიდერებისა და მხარდამჭერების აქცია გაიმართება. ამის შესახებ ,,ინტერპრესნიუსს'' პარტია ,,გამარჯვებული საქართველოს'' ერთ-ერთმა ლიდერმა გურამ ჩალაგაშვილმა განუცხადა. მისი თქმით, აქციის მიზანი და მოთხოვნები ხვალ გახდება ცნობილი.

,,აქციები გაგრძელდება ყოველდღიურად, ყოველდღიურად შეწუხდება ეს ხელისუფლება, ყველა სახელმწიფო სტრუქტურა შეწუხდება. ხვალ გაიმართება ერთ-ერთი აქცია პროკურატურასთან. თუ რას შეეხება ეს აქცია და რა იქნება თემა, ამას ხვალ სამ საათზე გაიგებთ, მაგრამ ეს არ არის მხოლოდ „გამარჯვებული საქართველოს“ აქცია, ესაა იმ ოპოზიციური ლიდერების მიერ დაანონსებული აქცია, რომლებიც დაახლოებით 5 დღეა ვიკრიბებით „ლეიბორისტული პარტიის“ ოფისში. ხვალ შეძლებისდაგვარად, ყველა ოპოზიციური ფლანგის ლიდერი და მხარდამჭერები იქნებიან ჩვენთან ერთად, - განაცხადა გურამ ჩალაგაშვილმა.