გიორგი აბაშიშვილი - რამ გადააწყვეტინა ხელისუფლებას, რომ მოახდინოს უკვე გადადგმული ნაბიჯების უკან დაბრუნება? მიხვდა გადაწყვეტილებების არაეფექტიანობას?

ჩემი მთავარი კითხვაა, რამ გადააწყვეტინა დღეს ხელისუფლებას, რომ მოახდინოს უკვე გადადგმული ნაბიჯების უკან დაბრუნება? მიხვდა გადაწყვეტილებების არაეფექტიანობას?, - ასე ეხმაურება ილიას სახელმწიფო უნივერსიტეტის ბიზნეს სკოლის ხელმძღვანელი გიორგი აბაშიშვილი პრემიერ-მინისტრის განცხადებას, რომ უცხოურ ვალუტაში დაკრედიტების ზღვარი 200 ათასი ლარიდან შესაძლოა, 100 ათას ლარამდე შემცირდეს.

აბაშიშვილის შეფასებით, აღნიშნული ტიპის რეგულაციები, ისევე როგორც რეგულაციების მიღების არაჩვეულებრივი სისწრაფე, ჯამში შეცდომა იყო.

„ვფიქრობ, მეტი გათვლა იყო საჭირო. მესმის არგუმენტები, რომ ეს რეგულაციები ეხებოდა რისკების დაზღვევას და ა.შ. მაგრამ მგონია, შედეგი ნაკლებად დადგა, უბრალოდ ამაზე ფაქტები მეტყველებს. მაგალითად, ერთნაირ რეგულაციებში ექცეოდნენ დაბალშემოსავლიანი და მაღალშემოსავლიანი პირები, მათ შორის იურიდიული პირები, რაც წარმოუდგენელია. შესაბამისად, ამ რეგულაციამ არაერთი მანიპულირების საშუალება გააჩია. დღეს სიტუაცია რთულია, სახეზეა ინფლაცია, არგუმენტი ლარიზაციისკენ გადადგმული ნაბიჯების მცირდება მინიმუმ რეფინანსირების განაკვეთის მუდმივი ზრდის გამო და იმ განცხადებების გამო, რომ შეიძლება კიდევ გაიზარდოს. სინამდვილეში ესეც ხომ ეკონომიკურ ზრდაზეც გავლენას იქონიებს? შესაბამისად, თუ ვსაუბრობთ, რომ კურსის გაუფასურების ფუნდამენტური მაკროეკონომიკური მიზეზები არ არსებობს, მაშინ ელემენტარულია, რომ ეკონომიკური ზრდის წახალისება გვჭირდება და არა შენელების ფაქტორების გაჩენა. ამიტომ, რეგულაციების გონივრული შერბილება, რაც აღვნიშნე თუნდაც მსესხებელთა დიფერენციაცია”,-აცხადებს აბაშიშვილი.

მისივე თქმით, ახლა საინტერესოა, რა გეგმა აქვს მთავრობას აღნიშნული ცვლილების შემდეგ.

„ისე, ამ ქვეყანაში ბევრჯერ მომხდარა ადრე მიღებული გადაწყვეტილებების უკან დაბრუნება, შესაბამისად, როცა შეცდომა აღიარებული იქნება, კარგია. მთავარი ახლა ისაა, უკან დაბრუნების შემდგომ რა გეგმებია, ამის მოსმენა დამაკლდა. მეტი ინფორმაცია გვჭირდება პროგნოზირებისათვის. ყოველთვის ვსაუბრობდი, რომ ეკონომიკურ პროგნოზირებაში მოვისუსტებთ, თუმცა მოქალაქემ რომ საკუთარი ცხოვრება დაგეგმოს და შესაბამისად, მდგრადი ეკონომიკური ზრდა გვქონდეს, მოსახლეობისათვის სწორი და რეალური პროგნოზების მიწოდებაა საჭირო. სტაბილურობის განცდა ეკონომიკური ზრდისათვის უმნიშვნელოვანესია”, - აცხადებს აბაშიშვილი.

შეგახსენებთ, უცხოურ ვალუტაში დაკრედიტების ზღვარი 200 ათასი ლარიდან შესაძლოა, 100 ათას ლარამდე ჩამოვიდეს. ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა. გახარიამ აღნიშნულთან დაკავშირებით დავალება ფინანსთა მინისტრს მისცა და აღნიშნა, რომ ეს ეკონომიკური ზრდის დაჩქარების უზრუნველსაყოფად კეთდება.

აღნიშნული შეზღუდვა, რომლის თანახმადაც, 200 ათას ლარამდე სესხების გაცემა მხოლოდ ლარშია შესაძლებელი, მიმდინარე წლის იანვრიდან მოქმედებს

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის