პარლამენტის ყოფილი წევრი ზაქარია ქუცნაშვილი ადასტურებს, რომ საქართველოში ამერიკის შეერთებული შტატების საელჩოში შეხვედრა გამართა.

როგორც ქუცნაშვილმა „ინტერპრესნიუსს“ განუცხადა, შეხვედრა საელჩოს პოლიტიკურ ოფიცერ ქრისტი მორდჰორსტთან შედგა.

„ამერიკის შეერთებული შტატების საელჩოში შეხვედრა დღეს, პოლიტიკურ დეპარტამენტში გაიმართა. შევხვდი პოლიტიკურ ოფიცერს. საუბარი შეეხო მიმდინარე სიტუაციებსა და პოლიტიკურ მოვლენებს. სამწუხაროდ, მეტს ვერ გეტყვით“, - განაცხადა ზაქარია ქუცნაშვილმა.

ქუცნაშვილის მიერ აშშ-ს საელჩოში შეხვედრის გამართვის შესახებ ინფორმაცია მედიით გავრცელდა.