საბერძნეთი მიგრანტთა რაოდენობის შესამცირებლად მესაზღვრეების რაოდენობას ზრდის. ამ ინფორმაციას „როიტერსი“ ავრცელებს. ქვეყნის პრემიერ-მინისტრის კირიაკოს მიცოტაკისის განცხადებით, უახლოეს მომავალში საბერძნეთისა და თურქეთის სახმელეთო საზღვარზე დამატებით 400 მესაზღვრე იმუშავებს, კუნძულებზე კი მათი რაოდენობა 800-ით გაიზრდება.

„ჩვენ მხოლოდ იმათ მივესალმებით, ვინც ჩვენთვის მისაღებია. ადამიანებით მოვაჭრეებისა და ბოროტმოქმედებისთვის კი კარს სამუდამოდ დავხურავთ“, -განაცხადა მან.

შეგახსენებთ, რომ საბერძნეთში 3 კუნძულზე არსებული მიგრანტთა ბანაკების დახურვის გადაწყვეტილება მიიღეს. მათ ადგილას მიგრანტთა იდენტიფიკაციის ცენტრები მოეწყობა, ლტოლვილებს კი საბერძნეთის სხვა რეგიონებში გადაანაწილებენ.