თბილისის მერია 2 წლის ანიტა ფაცაციას დასახმარებლად მზადყოფნას გამოთქვამს

თბილისის მერია 2 წლის ანიტა ფაცაციას დასახმარებლად მზადყოფნას გამოთქვამს. აღნიშნული ინფორმაცია „ინტერპრესნიუსს“ მერიაში დაუდასტურეს. მათი ინფორმაციით, კალკულაციას და საბუთების გადმოგზავნას ელოდებიან. შესაბამის სამსახურებს დავალება უშუალოდ თბილისის მერმა, კახა კალაძემ მისცა.

„როგორც კი გავრცელდა ინფორმაცია ბავშვის ავადმყოფობის შესახებ, უშუალოდ მერმა დაავალა შესაბამის სამსახურს, რომ დაკავშირებოდნენ ოჯახს და მაქსიმალურად დავხმარებოდით ბავშვს, რომ მისი მკურნალობა დაფინანსდეს. სოციალური სამსახურის თანამშრომლები არიან კავშირზე მშობლებთან და თითქმის ყოველდღიურ რეჟიმში აქვთ კონტაქტი. ველოდებით კალკულაციას, რომელიც უნდა გადმოგზავნოს ოჯახმა შესაბამისი საბუთებით, რომ ოფიციალურად შემოვიდეს მერიაში და მერიამ ბავშვს დახმარება გაუწიოს. ერთ-ერთი ღია წერილი იყო უშუალოდ ქალაქის მერის, კახა კალაძის მისამართით და როგორც კი ეს წერილი მივიდა მასთან, მაშინვე გამოთქვა მზადყოფნა, რომ მაქსიმალური დახმარება გაეწია ოჯახისთვის,“ - აცხადებენ თბილისის მერიაში.

ორი წლის ანიტა ფაცაციას უმძიმესი დაავადება – დილატაციური კარდიომიოპათია დაუდგინდა. საჭიროა, სასწრაფო ოპერაცია უმოკლეს ვადაში ჩატარდეს. პატარას ესაჭიროება სპეციალური აპარატი, რომელიც ხელოვნურად ამუშავებს გულს, ვიდრე გულის ტრანსპლანტაციისთვის საჭირო თანხა მოგროვდება და დონორს იპოვიან. ბავშვი არის ავსტრიაში, სადაც ეს ოპერაცია დაახლოებით 300 000 ევრო ჯდება. უსახსრობის გამო, ანიტას ექიმებმა საავადმყოფო დაატოვებინეს, ის ამჟამად ავსტრიის თავშესაფარშია. მისი ჯანმრთელობის მდგომარეობიდან გამომდინარე, მისი ტრანსპორტირება არ შეიძლება. ანიტას დასახმარებლად თანხა შეგიძლიათ, ჩარიცხოთ ანგარიშის ნომრებზე: „თიბისი“ ბანკი – GE38TB7855945064300017; „საქართველოს ბანკი“ – GE28BG0000000100761966 – მიმღები ლია ჩხაიძე (ანიტას ბებია).

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას