ინტერნეტთან თავისუფალი წვდომა უნდა გახდეს ადამიანის ერთ-ერთი ძირითადი უფლება. „დოიჩე ველეს“ ინფორმაციით, ასეთი ინიციატივით გამოვიდა დღეს გერმანიის ეკონომიკისა და ენერგეტიკის მინისტრი პეტერ ალტმაიერი.

მისი თქმით, მსოფლიო ქსელისადმი თავისუფალი წვდომა უნდა იყოს ადამიანის ფუნდამენტალური უფლება მთელ მსოფლიოში.

ინტერნეტისადი ასეთი თავისუფალი წვდომის უფლება მინისტრმა შეადარა ადამიანის ისეთ უფლებებს, როგორებიცაა განათლება და სამედიცინო მომსახურება.

გარდა ამისა, ალტმაიერის თქმით, ინტერნეტი უნდა გახდეს გლობალური და თავისუფალი განვითარებადი და გარდამავალი ეკონომიკის ქვეყნების მცხოვრებთათვის და ამ მიდგომას მხარი უნდა დაუჭირონ არ მხოლოდ მთავრობებმა, არამედ არასამთავრობო სტრუქტურებმა.

25 ნოემბერს ბერლინში იხსნება ხუთდღიანი ფორუმი, რომელიც ინტერნეტის მართვას უკავშირდება.