პარლამენტის რამდენიმე დეპუტატი კომიტეტებსა და ფრაქციებს ტოვებს
„ევროპული საქართველო - რეგიონების" წევრი ზურაბ ჭიაბერაშვილი პარლამენტის დარგობრივი ეკონომიკისა და ეკონომიკური პოლიტიკის კომიტეტს ტოვებს.
ამის შესახებ პარლამენტის თავმჯდომარე არჩილ თალაკვაძემ ბიუროს სხდომაზე განაცხადა.
მისივე ინფორმაციით, „ევროპული საქართველოს" კიდევ ერთი წევრი, ზაზა კედელაშვილი ტოვებს გარემოს დაცვისა და ბუნებრივი რესურსების კომიტეტს.
თალაკვაძის თქმით, ფრაქცია „ქართული ოცნება - კონსერვატორებს“ ტოვებს მუხრან ვახტანგაძე.
„ქართული ოცნების“ ფრაქციას კი ტოვებენ გიორგი მოსიძე და ზაზა ხუციშვილი.
„კონსერვატორების“ ფრაქციიდან რუსლან გაჯიევი კი გადაინაცვლებს „ქართული ოცნება- მწვანეებში“.
ფრაქციებს ტოვებენ ირინა ფრუიძე და მარიამ ჯაშიც.
