მოძრაობა „გაბედეს" წევრებმა დედაქალაქის საკრებულოს შენობასთან, სადაც თბილისის მერიის სხდომა იმართებოდა, საპროტესტო აქცია გამართეს. მათი განცხადებით, უნდოდათ დისკომფორტი შეექმნათ დედაქალაქის მერისთვის, თუმცა, მათივე ინფორმაციით, „კახა კალაძე საკრებულოს შენობიდან უკანა გასასვლელით გაიპარა“.
„მოძრაობა „გაბედე" აქ იმისთვის მოვედით, კახა კალაძისთვის პირში გვეთქვა სათქმელი. მან ვერ გაბედა ცენტრალური გასასვლელიდან გამოსვლა და უკანა გასასვლელიდან გაიძურწა, როგორც მას სჩვევია. ის მუდმივი გაქცევის რეჟიმში ვერ იქნება და დავიჭერთ იქ, სადაც ეგონება, რომ საფრთხე არ ემუქრება და გაიზირებს იგივე ბედს, რაც დღეს დილით ლაგოდეხის მაჟორიტარმა, გურამ მაჭარაშვილმა გაიზიარა, როდესაც მას პრესკონფერენციის ჩატარებისა და ხალის მოტყუების საშუალება არ მივეცით“, - განაცხადეს მოძრაობის წევრებმა.
საკრებულოს შენობასთან ამ დროისთვის 15-მდე პოლიციელია მობილიზებული. ადგილზე რჩებიან მოძრაობა „გაბედეს" წევრებიც.