26 ნოემბერს, რუსთაველზე, პარლამენტთან განვითარებული მოვლენების შედეგად ჰოსპიტალიზირებული ყველა პაციენტი ამ დროისთვის ბინაზეა გაწერილი, - ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, ოთხი პაციენტიდან სამი, გუშინვე გაეწერა სამედიცინო დაწესებულებებიდან, ინგოროყვაში მოთავსებულმა ერთმა მამაკაცმა კი კლინიკა დღეს დატოვა.

ჯანდაცვის სამინისტროს ინფორმაციითვე, ამჟამად, არცერთი პირი გადაუდებელ ჰოსპიტალურ მკურნალობას აღარ საჭიროებს.