პრაღაში რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის, ზურაბ აბაშიძისა და რუსი დიპლომატის, გრიგორი კარასინის შეხვედრა მიმდინარეობს.

შეხვედრაზე, რომელიც საქართველოში სერგეი გავრილოვის ვიზიტისა და ივნისის მოვლენების შემდეგ პირველად იმართება, ქვეყნებს შორის არსებულ ჰუმანიტარულ და ეკონომიკურ საკითხებს განიხილავენ.

ზურაბ აბაშიძის განცხადებით, შეხვედრაზე ქართველი ექიმის, ვაჟა გაფრინდაშვილის გათავისუფლების საკითხს დააყენებს.

„ახლა ყველასთვის და რა თქმა უნდა, ჩემთვისაც, ბატონი ვაჟა გაფრინდაშვილის დაუყოვნებლივი გათავისუფლების საკითხი არის პრიორიტეტული. არ აქვს მნიშვნელობა იმას, შესაფერისია თუ არა მსგავსი ფორმატი ასეთი საკითხების განსახილველად. ჩვენ ვიყენებთ ყველა შესაძლებლობას, ყველა ფორმატს და საშუალებას, რომ ეს ადამიანი დაუყოვნებლივ გათავისუფლდეს და ოჯახს დაუბრუნდეს. იმედია, ეს მალე მოხდება და ამ მიმართულებით რაღაც დადებითს მოვისმენ“, - განუცხადა აბაშიძემ ჟურნალისტებს.

შეგახსენებთ ე.წ. აბაშიძე-კარასინის შეხვედრა 5 თვეა არ გამართულა.