ნატო-ს ტვინის სიკვდილის შესახებ ჩემი განცხადება ალიანსის გამოღვიძებას ისახავდა მიზნად, - ამის შესახებ საფრანგეთის პრეზიდენტმა ემანუელ მაკრონმა ჩრდილო-ატლანტიკური ალიანსის გენერალურ მდივან იენს სტოლტენბერგთან შეხვედრის დროს განაცხადა. ლიდერების შეხვედრა პარიზში გაიმართა. საფრანგეთის პრეზიდენტის თქმით, ის ამ განცხადების შედეგად გამოწვეული გამოხმაურებებით კმაყოფილია და სასურველ შედეგს მიაღწია.
შეხვედრის დროს სტოლტენბერგმა განაცხადა, რომ ნატო კვლავ ინარჩუნებს სიძლიერეს და პარტნიორებთან ერთად იმაზე მეტს აკეთებს, ვიდრე ეს აქამდე ხდებოდა.
შეგახსენებთ, რომ ემანუელ მაკრონმა 7 ნოემბერს ნატოს ტვინის სიკვდილისა და ევროპის უფსკრულის პირას ყოფნის შესახებ განაცხადა, რასაც ევროპელი ლიდერების უარყოფითი გამოხმაურება მოჰყვა.