დავით უსუფაშვილი - ხელისუფლება აცხადებდა, რომ თემა დახურულია, დღევანდელი შეხვედრით ეს კარი იხსნება და მათ ამ კარის მალე დაკეტვის საშუალებას არ მივცემთ

„ხელისუფლება აცხადებდა, რომ თემა დახურულია და კარი ჩაკეტილია. დღევანდელი შეხვედრით ეს კარი იხსნება და ხელისუფლებას არ მივცემთ ამ კარის მალე დაკეტვის საშუალებას", - ამის შესახებ პარლამენტის ყოფილმა თავმჯდომარემ, „შენების მოძრაობის" ლიდერმა დავით უსუფაშვილმა ჟურნალისტებს ხელისუფლებასა და ოპოზიციას შორის შეხვედრის დაწყებამდე განუცხადა. უსუფაშვილის თქმით, დღევანდელი შეხვედრა მნიშვნელოვანია, თუმცა არა გადამწყვეტი.

"დღევანდელი შეხვედრა მნიშვნელოვანია, მაგრამ არ იქნება გადამწყვეტი. ასეთი მასშტაბის პრობლემები ერთ დღეში ვერ წყდება. მთავარია, რომ ხელისუფლებას კიდევ ერთხელ კარგად ავუხსნათ - არ შეიძლება, ასეთ მდგომარეობაში მყოფი ქვეყანა არჩევნებზე გავიდეს, იმიტომ, რომ ასეთი დაპირისპირების ფონზე ყველანი ერთად ჩავიჩეხებით. ამიტომ დღევანდელი შეხვედრის თემა იქნება პოლიტიკური გამოსავლის ძიება. ჩვენ პოლიტიკური გამოსავლის ფორმულა გვაქვს ე.წ. გერმანულ გამოცდილებაზე დაფუძნებული, ქართულად ადაპტირებული საარჩევნო სისტემის მოდელი. დღეს არ შევალთ არანაირ ფორმალურ, იურიდიულ კაზუსებში. ჩვენ ვილაპარაკებთ არსზე - პოლიტიკურ პრობლემას რა პოლიტიკური გამოსავალი აქვს. გამოსავალზე უნდა შევჯერდეთ და შემდეგ გადავიდეთ ფორმაზე: რომელ მუხლში რა ცვლილებაა შესატანი. ხელისუფლება აცხადებდა, რომ თემა დახურულია, კარი ჩაკეტილია და არაფერი შეიცვლება. დღევანდელი შეხვედრით ეს კარი იხსნება და ჩვენ ხელისუფლებას არ მივცემთ ამ კარის მალე დაკეტვის საშუალებას. ჩვენ, ოპოზიციური პარტიების წარმომადგენლები მოვიქცევით მაღალი პრინციპულობის და პასუხისმგებლობის განცდით,"- განაცხადა უსუფაშვილმა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან