"ერთიანი ნაციონალური მოძრაობის" ერთ-ერთი ლიდერი, ბრალდებული ნიკა მელია “ბანკი ქართუს“ გაკოტრების საქმეზე სასამართლოს გადაწყვეტილების გამოცხადებას არ ესწრება. სასამართლო განაჩენს ამ წუთებში აცხადებს.

აღნიშნულ საქმეზე ნიკა მელიასა და ზურაბ ადეიშვილს ბრალი 2013 წელს წაუყენეს.

"ბანკი ქართუს" საქმეზე ნიკა მელიასა და ზურაბ ადეიშვილს სამსახურებრივი უფლებამოსილების გადამეტებასა და თვალთმაქცური გარიგებით ქონების გადამალვაში დახმარებას ედავებიან. აღნიშნულ საქმეში ზურაბ ადეიშვილს დაუსწრებლად აღკვეთის ღონისძიების სახით პატიმრობა აქვს შეფარდებული, ნიკა მელია კი 25 000-ლარიანი გირაოს სანაცვლოდ არის გათავისუფლებული.