ვაგრძელებ ბრძოლას იმისთვის, რომ თითოეული ქართველის ცხოვრება იყოს უკეთესი და უფრო დაცული. შესაბამისად, არ განვიხილავ დღეის მდგომარეობით, რაიმე გაერთიანებაში გაწევრიანებას, - ასე უპასუხა იუსტიციის უმაღლესი საბჭოს არამოსამართლე წევრმა ანა დოლიძემ კითხვას, ფიქრობს თუ არა მამუკა ხაზარაძის მოძრაობა "ლელოში" გაწევრიანებას.
როგორც დოლიძემ აღნიშნა, მისთვის ძალიან მნიშვნელოვანია სხვადასხვა სამოქალაქო საკითხები და სწორედ ამ ამპლუაში დარჩება.
„რაც შეეხება ჩემს პოლიტიკურ აქტიურობას, მოგეხსენებათ, ძალიან დიდი ხანია ვიბრძვი დამოუკიდებელი სასამართლოსთვის და იმისთვის, რომ თქვენ ყველას და იმ ხალხს, რომელიც პოლიტიკურად აქტიურია და მათ ოჯახებს, დაცული ჰქონდეთ საკუთარი უფლებები. ვიბრძვით აზარტული თამაშების რეგულირებისთვის და ჩვენი მომავალი თაობების ჯანმრთელობისათვის. ჩემთვის ძალიან მნიშვნელოვანია სხვადასხვა სამოქალაქო საკითხები, სწორედ ამ ამპლუაში ვრჩები მე დღესდღეობით და ვაგრძლებ ბრძოლას იმისთვის, რომ თითოეული ქართველის ცხოვრება იყოს უკეთესი და უფრო დაცული. შესაბამისად, არ განვიხილავ დღეის მდგომარეობით, რაიმე გაერთიანებაში გაწევრიანებას", - განაცხადა დოლიძემ.