ვხედავთ, რომ პროკურატურა და „ქართული ოცნება" არიან „ერთსულ და ერთხორც“ „თიბისი ბანკის" საქმის ირგვლივ, - ამის შესახებ ჟურნალისტებს „ლელოს" წევრმა კახა კოჟორიძემ განუცხადა.
მისივე თქმით, პროკურატურის ბრალდება არის აბსოლუტურად უსაფუძვლო და მყარი საფუძველი არ გააჩნია.
„ხომ არსებობს თეთრი ძაფით „შეკერილი“ საქმეები, ეს საქმე არის თეთრი ძაფითაც ვერ „შეკერილი“ საქმე, იმდენად ნათელია პოლიტიკური მოტივაცია. ქართული მართლმსაჯულება, რომელიც საყოველთაოდ შეფასებულია, რომ არის ძალიან მძიმე და უსამართლო, ქართულ მართლმსაჯულებაშიც, 30- წლიან პრაქტიკაშიც კი არ მოიძებნება ანალოგი“, - განაცხადა კოჟორიძემ.