მცხეთის მერი მოძრაობა „გაბედეს“ აქციაზე  - ხალხი მუშაობს აქ და იმათ აურზაურის ასატეხად ვერ შემოვუშვებდი

ძალიან ცუდი ფაქტი მოხდა. მე თვითონ მოვუწოდებდი აქციის მონაწილეებს, თქვენთან გამოვედი, გაგცემთ პასუხს მეთქი, სათითაოდ ვეპატიჟებოდი ჩემთან ოთახში და სათითაოდ გავცემდი ყველა კითხვაზე პასუხს, - ამის შესახებ მცხეთის მერმა გიორგი კაპანაძემ ჟურნალისტებს დიმიტრი ხუნდაძის მაჟორიტარულ ბიუროსთან მომხდარი დაპირისპირების შემდეგ განუცხადა.

მისი თქმით, დაპირისპირება აქციის მონაწილეების მხრიდან მოხდა.

„ვთხოვდით დაეტოვებინათ შენობა. ეს ხალხი დასაპირისპირებლად იყო ჩამოსული. დაკავებულები არ ვიცი ვინ არიან. პოლიცია ზუსტად იმისთვის იდგა აქ, რომ არ მომხდარიყო მსგავსი ინციდენტი, მაგრამ საუბედუროდ მოხდა, იმიტომ, რომ პროვოცირება მოხდა მოსული ადამიანებისგან”, - განაცხადა მცხეთის მერმა.

ჟურნალისტის შეკითხვაზე, თუ რატომ დაახვედრეს აქციის მონაწილეებს მერიის თანამშრომლები, გიორგი კაპანაძემ ასე უპასუხა, „ყველამ დაინახა, რომ სანამ ესენი მოვიდოდნენ, აქ იყო ტელევიზია მოსული და დააინტერესათ და გამოვიდნენ“.

„მერიაში მუშაობს 200-ზე მეტი კაცი. აქ ყოველდღე ტელევიზია არ მოდის. ნეტა ყოველ დღე იყოს აქ ტელევიზია და ყოველ დღე იღებდეს, რას ვაკეთებ მე აქ. ჩემი სურვილი არაა, ვინმე დააკავონ, მაგრამ არც ის მინდოდა, აქ ინციდენტი მომხდარიყო. ხალხი მუშაობს აქ და იმათ აურზაურის ასატეხად ვერ შემოვუშვებდი“, - განაცხადა მცხეთის მერმა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში