„ახალი საქართველოს“ წევრი - ყველა სამართლებრივ მექანიზმს მივმართავთ, რომ ქვეყანა ჩიხიდან გამოვიდეს

„ახალი საქართველოს“ პოლიტსაბჭოს წევრის ანა კობახიძის შეფასებით, OSCE/ODIHR - ის დასკვნა მმართველ პარტიას საარჩევნო სისტემაში ცვლილებების განხორციელებას აიძულებს.

როგორც „ახალი საქართველოს“ მიერ გავრცელებულ ინფორმაციაშია აღნიშნული, ახალ საარჩევნო სისტემას, რომელიც „გერმანული მოდელის“ მიხედვით შეიქმნა და რომელსაც ოპოზიციური პარტიის წარმომადგენლები დღეს პარლამენტში დაარეგისტრირებენ, „ახალი საქართველოს“ პოლიტსაბჭოს წევრი აფასებს.

ანა კობახიძის განცხადებით, არაძალადობრივი, მშვიდობიანი პროტესტის გარდა, ისინი ყველა სამართლებრივ მექანიზმს გამოიყენებენ, რათა ქვეყანა ჩიხიდან გამოვიდეს.

„საარჩევნო მოდელი, რომელიც „გერმანულ მოდელს“ ეყრდნობა და ქართულ რეალობაზეა მორგებული, სრულად შეესაბამება საქართველოს კონსტიტუციას, ამაზე არა მარტო ოპოზიცია, არამედ ყველა გავლენიანი არასამთავრობო ორგანიზაცია და კონსტიტუციონალისტი თანხმდება. ამის მიუხედავად საპარლამენტო უმრავლესობა ჯიუტად ამტკიცებს, რომ კონსტიტუციაში ცვლილებებია საჭირო. იმისთვის, რომ ყველა კითხვის ნიშანი მოგვეხსნა, საქართველოს პარლამენტში საარჩევნო კოდექსში ცვლილებების პაკეტი დარეგისტრირდება და სახალხო დამცველის აპარატის მეშვეუბით OSCE/ODIHR -ში გადაიგზავნება, რომლის დასკვნა, ვფიქრობ, იძულებულს მმართველ პარტიას განახორციელოს ცვლილებები.

აღნიშნული მექანიზმების გამოყენებით ჩვენ გვსურს ვაჩვენოთ ქვეყნის არაფორმალურ მმართველს, რომ გარდა არაძალადობრივი მშვიდობიანი პროტესტისა, ასევე მივმართავთ ყველა სამართლებრივ მექანიზმს, რომ ქვეყანა ჩიხიდან გამოვიდეს. დღეს ჩვენს ქვეყანას აქვს ორი საარჩევნო სისტემა. ბარიკადს მიღმა საქართველოში ახლა შერეული სისტემით ძალაუფლების შენარჩუნებას ცდილობს არაფორმალური მმართველი, ხოლო ბარიკადების მეორე მხარეს ხალხი, როგორც ხელისუფლების წყარო, პროპორციული სისტემის საშუალებით, ცდილობს დაიბრუნოს ხელისუფლება“, - აცხადებს ანა კობახიძე.

ცნობისთვის, დოკუმენტს, რომელსაც ოპოზიციური პარტიების წარმომადგენლები დღეს დაარეგისტრირებენ ხელს 30-მდე წარმომადგენელი აწერს.

აღნიშნულ ინფორმაციას პარტია „ახალი საქართველო“ ავრცელებს.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა