თბილისში, ყაზბეგის გამზირზე სკვერი განახლდა

თბილისში, ყაზბეგის გამზირზე, N1 და N3 კორპუსების მიმდებარე ტერიტორიაზე სკვერის რეაბილიტაცია დასრულდა. ამის შესახებ „ინტერპრესნიუსს“ თბილისის მერიიდან აცნობეს.

მათი ინფორმაციით, პროექტის ფარგლებში მოეწყო საბავშვო მოედანი, სადაც სხვადასხვა სახის ატრაქციონები განთავსდა, ასევე, LED განათება, საჩრდილობელი, გარე ტრენაჟორი და ყველა საჭირო ინვენტარი. ტერიტორია გამწვანდა და ხის ღობით შემოიფარგლა.

განახლებული სკვერი საბურთალოს რაიონის გამგებელმა გაიოზ ვასაძემ, საკრებულოს მაჟორიტარ დეპუტატთან, დავით უთმელიძესთან ერთად დაათვალიერა.

„სკვერის გარშემო რამდენიმე კორპუსია, რომლის მცხოვრებლები უკვე ლამაზ და კომფორტულ გარემოში შეძლებენ დასვენებას. რაც ჩვენთვის ყველაზე მნიშვნელოვანია, ბავშვებისთვის ეკოლოგიურად სუფთა მასალისგან დამზადებული ატრაქციონები დამონტაჟდა. ასევე, დიდ ყურადღებას ვაქცევთ გამწვანების სამუშაოებს. ტერიტორიაზე სხვადასხვა სახეობის ხე-მცენარეები დაირგო“, - განაცხადა საბურთალოს გამგებელმა.

მათივე ცნობით, სკვერის სარეაბილიტაციო სამუშაოებისთვის, რომელიც კომპანია „ტაომ“ განახორციელა, გამგეობის ბიუჯეტიდან 99 026 ლარი დაიხარჯა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ