გიორგი მარგველაშვილი - დიახ, საქართველოში პოლიტიკური მიზეზით დაპატიმრებული ადამიანები არიან - გინდათ რურუას, გინდათ ოქრუაშვილის, გინდათ მელიას მიმართ მოტივაცია არის პოლიტიკური

პოლიტიკური მოტივაციით დაკავებული ადამიანების რაოდენობის გაზრდას რა შეუშლის ხელს? მათი ცოდნა, გამოცდილება ან მომავლის შიში? ეჭვი მეპარება, - ამის შესახებ საქართველოს ყოფილმა პრეზიდენტმა გიორგი მარგველაშვილმა „პალიტრანიუსის“ გადაცემაში „360 გრადუსი“ განაცხადა. მისი შეფასებით, დღეს საქართველოში პოლიტპატიმრები არიან.

„დიახ, ჩემი აზრით, საქართველოში პოლიტიკური მიზეზით დაპატიმრებული ადამიანები არიან. როდესაც ქვეყანაში პოლიტიკური პატიმარია, არავის არასდროს არ ეგონოს, რომ ის პოლიტპატიმარი პირდაპირი მუხლითაა: „მოდი დავიჭიროთ ვიღაცა და ის იყოს პოლიტპატიმარი.“ ყოველთვის არის ხოლმე რაღაცა ლეგიტიმური მუხლი, რაღაცა მუხლის მიხედვით, რაღაცას მიგიყენებენ. 20 ივნისის მოვლენების შემდეგ ამ ადამიანებს მიუყენეს მუხლები, რითაც ისინი დააპატიმრეს. აქ ნათლად ჩანს, პოლიტიკური მოტივაცია. გინდათ რურუას მიმართ, გინდათ ოქრუაშვილის მიმართ, გინდათ მელიას მიმართ მოტივაცია არის პოლიტიკური.

ჩვენ ხომ მოვისმინეთ პარტიის ლიდერის განცხადება, რომ ეს სია გაიზრდება. ამ სიის გაზრდას რა შეუშლის ხელს? მათი ცოდნა, გამოცდილება ან მომავლის შიში შეუშლის ხელს? აქ ხომ ჩვენ ვლაპარაკობთ ადამიანებზე, რომლებიც რეალობასთან კავშირში არ არიან. ჩვენ რომ ვსაუბრობთ, რომ მათ ამერიკის კონგრესში სურთ ამხილონ, რომ NDI „ნაციონალური მოძრაობის“ განაყოფია, ასეთი პოლიტიკური გამჭრიახობის ადამიანებისგან უნდა ველოდეთ, რომ შეიძლება რამე არ გააკეთონ ან ვინმე არ დააპატიმრონ? ეჭვი მეპარება,“ - განაცხადა მარგველაშვილმა.

იხილეთ ვიდეო

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა