პარლამენტში პლენარული სხდომა განახლდა

პარლამენტში პლენარული სხდომა განახლდა. როგორც პარლამენტის თავმჯდომარე არჩილ თალაკვაძემ განაცხადა, კენჭისყრა რამდენიმე წუთში დაიწყება. დღეს პლენარულ სხდომაზე უზენაესი სასამართლოს მოსამართლეობის კანდიდატებს კენჭი უნდა უყარონ. დღესვე, კენჭისყრაზე დადგება "ნაციონალური მოძრაობის" წევრის ნიკა მელიასთვის დეპუტატის უფლებამოსილების შეწყვეტის საკითხი.

აღსანიშნავია, რომ ამ დროისთვის დარბაზში არასასიამოვნო სუნი აღარ იგრძნობა. სხდომათა დარბაზი დაახლოებით 3 საათის განმავლობაში იყო დაკეტილი და შიგნით ექსპერტ-კრიმინალისტები მუშაობდნენ.

შეგახსენებთ, რომ დღეს პლენარული სხდომის დაწყებიდან მალევე ირაკლი კობახიძემ განაცხადა, რომ ოპოზიციის წარმომადგენლებმა დარბაზში გაურკვეველი სითხე დაასხეს. ადგილზე მობილიზებული იყო სამაშველო და სამედიცინო სამსახურები, პოლიცია და ექსპერტ-კრიმინალისტები. აღნიშნული ნივთიერების დასხმის შედეგად 4 პირი შეუძლოდ გახდა, მათ შორის ორი დეპუტატი. სამ პირს შესაბამისი სამედიცინო დახმარება ადგილზე გაეწია, ერთი კი საავადმყოფოში გადაიყვანეს.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე