"ქართული ოცნების" დეპუტატები ენძელა მაჭავარიანი და სვეტლანა კუდბა თავს უკეთ გრძნობენ. მათ კლინიკაში გადაყვანაზე უარი განაცხადეს და სასწრაფო სამედიცინო დახმარება ადგილზე გაეწიათ.

ორივე დეპუტატი ამჟამად სასესიო დარბაზში იმყოფება.

"უკეთესად ვარ, ყელი მტკივა მარტო, ჩამწვარივით მაქვს. საერთოდ, ქრონიკული ენდოტრაქიალური ალერგია მაქვს და ალბათ, ამით იყო ეს გამოწვეული. აღმომიჩინეს სამედიცინო დახმარება და გადაყვანაზე უარი განვაცხადე.

რადგან ალერგიული ვარ, იმ წუთში გავვარდი გარეთ, მეგონა გადავრჩი, მაგრამ 5 წუთში დამეწყო სიმპტომები. ხშირად მემართება ხოლმე ასე, მაქვს გამოცდილება,"- განაცხადა ენძელა მაჭავარიანმა ჟურნალისტებთან, სხდომათა დარბაზში შესვლამდე.

პარლამენტის სხდომა რამდენიმე წუთის წინ განახლდა.